Bakı. Trend:
Azərbaycan Gənclər İttifaqı və Azərbaycan Rəqs Assosiasiyası tərəfindən təmsil olunan ölkəmiz uzun müddət Qafqazda mədəni tədbirlərin, rəqs yarışlarının, festivallarının və turnirlərin ən güclü təşkilatçısı kimi ad qazanıb.
Növbəti dəfə də Azərbaycan Kuboku yarışına digər ölkələrdən ən güclü rəqs kollektivləri gəlir.
Folklor, Hip-Hop, Şou dance, Bollywood ( hind rəqsi), klassik rəqs və əlbəttə, Cheerleading kimi sahələrdə yarışa qatılacaqlar. Dekabrın 3-də Şövkət Məmmədova adına konsert salonunda Azərbaycan Dövlət Konservatoriyasında Qafqazın məşhur ansamblları arasında ən güclüləri müəyyənləşdirmək üçün toplanacaq.
Daha güclü rəqabət, əvvəl belə bir güclü seçimdə iştirak etməyən Azərbaycan komandaları yarışa hazırlaşırlar. Ancaq Alov, Zirvə, Qarabağ, Legend, Jam SS və digər möhtəşəm ansambllar kimi Azərbaycanın tanınmış kollektivləri rəqiblərini səbirsizliklə gözləyirlər.
Azərbaycan Gənclər İttifaqının Sədr Müavini, Azərbaycan Rəqs Assosiasiyasının Prezidenti Əziz Əzizov bildirib: “Həmişə olduğu kimi Azərbaycan Kuboku yarışına ən yaxşılar toplaşacaqlar. Kimlərsə öz adlarını qorumaq üçün, kimlərsə qazanmaq və hətta əldə etmək üçün yarışa qatılacaqlar. Hər halda, Azərbaycan Kuboku adı ətrafında gərginlik və həyəcan böyük olur. Çox şadam ki, Cheerleading istiqaməti inkişaf etməkdədir, təəssüf ki, qonşularımız kimi sürətli deyil, lakin biz daha da güclənirik. Tezliklə layiqli rəqabət yarada biləcəyimizi düşünürəm. Turnirdə Emil Pənahovun başçılıq etdiyi “Alov” komandası, Avropanın hazırkı çempionları (Folklor, uşaqlar, duet) və nüfuzlu folklor ansamblının dördüncü yeri – uşaqlar iştirak edəcəklər. Həmçinin, 2016-cı ildə Azərbaycan Kubokunun sahibləri olan Liakhvi komandasının və 2017-ci ildə Azərbaycan Çempionları olan Zirvə komandasının və digərlərinin iştirakı təstiqlənib. Tamaşanın çox həyəcanlı olmasını planlaşdırırıq, buna görə də hər kəsi inanılmaz sənət festivalına gözləyirik”.
İnformasiya dəstəyi - Trend.az, Day.az, Milli.az, Azernews.az