Bakı. Trend:
"Xəyallarımızda qalan nağıllar” adlı respublika uşaq yaradıcılıq müsabiqəsinin yekun sərgiləri açılacaq.
Azərbaycan Respublikası Mədəniyyət Nazirliyi, Azərbaycan Respublikası Elm və Təhsil Nazirliyi, Azərbaycan Televiziya və Radio Verilişləri Qapalı Səhmdar Cəmiyyəti, Xətai Rayon İcra Hakimiyyəti,Azərbaycan Rəssamlar İttifaqı, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “Heydər Əliyev ili” çərçivəsində uşaqlarda vətənpərvərlik duyğularının güclənməsinə, estetik zövqün, mənəvi tərbiyəninn formalaşmasına, milli-mənəvi sərvətimizdən olan nağıllarımızın yaşadılmasına xidmət məqsədilə “Xəyallarımızda qalan nağıllar” adlı respublika uşaq yaradıcılıq müsabiqəsinin yekun sərgiləri Xətai Sənət Mərkəzində açılacaq.
Sərgilər aşağıdakı tarixlərdə keçiriləcək:
19 dekabr 2023-cü il saat 14:00
20 dekabr 2023-cü il saat 14:00
21 dekabr 2023-cü il saat 14:00
22 dekabr 2023-cü il saat 14:00
Mövzusu nağıl personajları və nağıl səhnələri olan müsabiqəyə respublikamızın müxtəlif guşələrindən 18 yaşa qədər yaradıcılıq qabiliyyəti olan 1500-ə qədər uşaq və yeniyetmə 1800-dən çox əsər göndərmiş və 600-dən bir qədər çox əsər sərgilənmək üçün seçilib.
Seçilən əsərlər çərçivəli şəkildə, şəkilin arxasına müəllifin adı, soyadı, əlaqə nömrəsi qeyd edilməklə, dekabr ayının 18-dək saat 11:00-18:00 arası Xətai Sənət Mərkəzinin ikinci mərtəbəsinə təqdim etməlidirlər və təqdim olunan əsərlər növbəli olaraq sərgilənəcək.
Sərginin kataloqunda müəlliflərin adı, təmsil etdiyi yaradıcılıq müəssəsi və sərgilənəcək əsərlərin fotoları təqdim olunub.
Ən azı 4 iştirakçı ilə təmsil olunan dərnək və yaradıcılıq müəssələri:
Art schoool by Vəfa, 1 saylı UGİM, 108 saylı orta məktəb, 136 saylı orta məktəb, 147 saylı texniki humanitar lisey, 156 saylı orta məktəb, 180 saylı orta məktəb, 2 saylı İncəsənət Gimnaziyası, 2 saylı İncəsənət Məktəbi, 27 saylı məktəb, 281 saylı orta məktəb, 95 saylı orta məktəb, 3 saylı Respublika xüsusi internat məktəb, 3 saylı UİM, 4 saylı UİM, 5 saylı UİM, 55 saylı məktəb, Artschool Balakhanı, Fikrət Əmirov adına 6 saylı İncəsənət məktəbi, İmişli şəhər UİM, Qusar şəhər UİM, Lənkaran Digah kənd orta məktəbi, Lənkəran Şəhər 6 saylı məktəb-liseyi, Lənkəran Türkəkəran kənd orta məktəbi, Masallı şəhər İncəsənət Məktəbi, Maştağa Mədəniyyət Mərkəzi, Mehdiabad A.Y studio, Novxanı kənd 2 saylı orta məktəb, Sumqayıt 1 saylı UGİM, Sumqayıt şəhər Cəfər Cabbarlı adına Mədəniyyət Evi, Şamaxı şəhər İTM, Şirvan DRQ, Türkəkəran məktəbi, Novxani kənd 1 saylı orta məktəb.
Əsəri sərgidə nümayiş olunan müəlliflər sertifikatla və fəal tədris mərkəzləri (dərnək, incəsənət məktəbi və s.) təşəkkürnamə ilə təltif olunacaq.