Bakı. İlhamə İsabalayeva – Trend:
“Bu gün orta məktəblərə verilən internet şəbəkəsi filtrdən keçən şəbəkədir. Şagirdlər məktəb mövzularından kənar sahələr üzrə saytlara daxil ola bilmirlər. Amma gəlin razılaşaq ki, bu gün şagirdlər məktəblərə mobil telefonla gəlirlər”.
Trend-in məlumatına görə, bunu Bakı Şəhəri üzrə Təhsil İdarəsinin müdiri Məhəbbət Vəliyeva “Azərbaycanda ailə modeli: müasirlik və dəyərlər” mövzusunda keçirilən konfransda çıxışı zamanı deyib.
O bildirib ki, qanunvericiklikdə müvafiq tələb olmadığına görə məktəb bunun qarşısını ala bilmir:
“Amma bütün məktəb rəhbərləri bunu bir qadağa kimi qoyurlar. Təəssüf ki, buna göz yumanlar var. Bu da bir reallıqdır”.