Bakı. Samir Əli - Trend:
Koronavirus (Covid-19) xəstəliyinə qarşı qabaqlayıcı tədbirlər çərçivəsində “Koroğlu” Nəqliyyat Mübadilə Mərkəzində və müntəzəm marşrut xətlərində dezinfeksiya işləri davam etdirilir.
Bakı Nəqliyyat Agentliyindən Trend-ə verilən məlumata görə, sərnişinlərin sağlamlığının daha effektiv qorunması məqsədi ilə profilaktik tədbirlər artırılıb.
Artıq müntəzəm marşrut xətti üzrə avtobuslar son dayanacaq məntəqəsində də xüsusi dərman məhlulları ilə təmizlənir. Bununla bağlı daşıyıcılara tapşırıq verilib.