Bakı. Trend:
Ümumdünya Səhiyyə Təşkilatının (ÜST) rəhbəri Tedros Adan Gebreyesus G7 zirvəsində "COVID-19" virusunun laboratoriyadan sızması versiyasını istisna etmədiyini və Çinin virusun mənbəyini araşdırmağa kömək etməsini lazım olduğunu bildirib.
Trend-in İnterfaks-a istinadən verdiyi xəbərə görə, bu barədə "Daily Mail" xəbər verir.
"Düşünürəm ki insanlar virusun haradan gəldiyini öyrənməlidirlər, buna layiqdirlər. Bu, gələcəkdə pandemiyanın təkrarlanmasının qarşısını almaq üçün lazımdır", - deyə nəşr ÜST-nin baş direktorundan sitat gətirib.
Onun sözlərinə görə, koronavirusun mənşəyi ilə bağlı istintaqın başlanğıcında Çin tərəfindən kifayət qədər "şəffaflıq və əməkdaşlıq" göstərilməyib.