...

Baş Prokurorluq işğaldan azad olunan ərazilərə gedənlərə XƏBƏRDARLIQ etdi (VİDEO)

Gündəm Materials 13 İyul 2021 15:57 (UTC +04:00)
Baş Prokurorluq işğaldan azad olunan ərazilərə gedənlərə XƏBƏRDARLIQ etdi (VİDEO)

Trend-i buradan izləyin

Bakı. Samir Əli - Trend:

Baş Prokurorluq işğaldan azad olunan ərazilərimizdə baş verən yanğın hadisələri ilə bağlı məlumat yayıb.

Qurumun Mətbuat xidmətindən Trend-ə vderilən məlumatda bildirilir ki, işğaldan azad edilmiş ərazilərimizdə xeyli sayda yanğın hadisələrinin baş verməsi müşahidə olunmaqdadır: "Hazırda aparılan yenidənqurma və bərpa işlərini həyata keçirən habelə, Qarabağa səfər edən şəxslər tərəfindən təhlükəsizlik qaydalarına riayət olunmaması, ağaclıq və taxıl sahələrində, meşə massivlərində tütün məmulatlarının və ya digər yanacaq tullantılarının həmin ərazilərə atılması kimi zidd əməllərin törədilməsi yanğın hadisələrinə səbəb olur. Nəticədə, qeyd edilən ərazilərdə flora və faunaya ciddi ziyan vurulur. Baş Prokurorluq bir daha xəbərdarlıq edərək bildirir ki, bu qəbildən olan qanun pozuntularına yol vermiş şəxslər məsuliyyətə cəlb olunacaqlar!

Təbiəti qorumaq hər bir vətəndaşın borcudur!”.

Məqalədə:
Xəbər lenti

Xəbər lenti