...

Birinci yarımili ərzində 44 milyon manatlıq əmlak üzərinə həbs qoyulub - Baş Prokurorluq

Gündəm Materials 23 İyul 2021 15:56 (UTC +04:00)
Birinci yarımili ərzində 44 milyon manat məbləğində əmlak üzərinə həbs qoyulub.
Birinci yarımili ərzində 44 milyon manatlıq əmlak üzərinə həbs qoyulub - Baş Prokurorluq

Bakı. Trend:

İyulun 23-də Baş Prokurorluqda əməliyyat müşavirəsi keçirilib.

Baş Prokurorluqdan Trend-ə verilən məlumata görə, prokurorluq orqanlarında ibtidai istintaqı aparılaraq yekunlaşmış cinayət işləri üzrə ümumilikdə 110 milyon 533 min manat məbləğində maddi ziyan vurulduğu müəyyən edilərək istintaq tədbirləri ilə onun 37,2 faizinin, yəni 41 milyon 72 min manat hissəsinin ödənilməsinə nail olunub.

Həmçinin, bildirilib ki, cinayət-prosessual qanunvericiliyinin tələblərinə əsasən icraatına xitam verilmiş cinayət işləri üzrə cinayət məsuliyyətindən azad olunmuş şəxslər tərəfindən dövlət büdcəsinə əlavə olaraq 668 min 949 manat məbləğində pul vəsaiti ödənilib.

Bundan başqa, ibtidai araşdırma mərhələsində cinayət işləri üzrə vurulmuş ziyanın ödənilməsinin təmin edilməsi məqsədilə 2021-ci ilin birinci yarımili ərzində istintaqı başa çatdırılmış cinayət işləri üzrə 44 milyon manat məbləğində əmlak üzərinə həbs qoyulub.

Məqalədə:
Xəbər lenti

Xəbər lenti