...

Məktəblərdə bir neçə vəzifə üzrə işə qəbul üçün müsahibə mərhələsinin vaxtı açıqlanıb

Gündəm Materials 9 Avqust 2021 12:48 (UTC +04:00)
Məktəblərdə bir neçə vəzifə üzrə işə qəbul üçün müsahibə mərhələsinin vaxtı açıqlanıb

Bakı. Elçin Mehdiyev - Trend:

Ümumi təhsil müəssisələrinə təlim-tərbiyə işləri üzrə direktor müavini, uşaqlarla məktəbdənkənar və sinifdənxaric tərbiyə işi üzrə təşkilatçı vəzifələrinə işə qəbul üzrə müsabiqənin III (şifahi müsahibə) mərhələsinin vaxtı açıqlanıb.

Bakı Şəhəri üzrə Təhsil İdarəsindən Trend-ə verilən məlumata görə, belə ki, şifahi müsahibələrin 16-25 avqust 2021-ci il tarixlərində keçirilməsi nəzərdə tutulur.

Şifahi müsahibənin keçirilmə vaxtı və yeri, həmçinin müsahibədə iştirak etmək üçün tələb olunan sənədlərin siyahısı barədə məlumatlar namizədlərin “Şəxsi kabinet”inə göndərilib.

Qeyd edək ki, ümumi təhsil müəssisələrinə təlim-tərbiyə işləri üzrə direktor müavini, uşaqlarla məktəbdənkənar və sinifdənxaric tərbiyə işi üzrə təşkilatçı vəzifələrinə işə qəbul üzrə müsabiqənin test imtahanı mərhələsinin nəticələrinə əsasən, keçid balını toplamış 192 namizəd müsahibə mərhələsində iştirak etmək hüququ qazanıb.

Twitter: @ElchinMehdiyev

Məqalədə:
Xəbər lenti

Xəbər lenti