Bakı. Trend:
Sentyabrın 12-si gecə saatlarından başlayaraq Ermənistan silahlı qüvvələri Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribatlara cəhd edib. Azərbaycan Ordusu bu təxribatlara cavab olaraq düşmənin mövqelərinə, qoşunların və silahların cəmləşdiyi ərazilərə zərbələr endirib.
Trend xəbər verir ki, Ermənistanın ən böyük hərbi bazalarından birinin darmadağın olunmasının görüntüləri yayılıb. Hərbi baza Basarkeçər rayonunun Zod qəsəbəsi yaxınlığında yerləşir və Kəlbəcərə birbaşa təhlükə yaradırdı.