Bakı. Trend:
Xaçınçay su anabarına 200 min ədəd çəkikimi balıq körpəsi buraxılıb.
Trend xəbər verir ki, bu barədə cümə günü Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Prezidentinin xüsusi nümayəndəsi Emin Hüseynov özünün "Twitter" səhifəsində yazıb.
"İşğaldan azad olunmuş ərazilərdə su hövzələrinin zənginləşdirilməsinə, balıq populyasiyasının artırılmasına töhfə vermək məqsədilə növbəti balıq buraxılışı Ağdam rayonunda keçirilib. Xaçınçay su anabarına 200 000 ədəd çəkikimi balıq körpəsi buraxılıb", - deyə E.Hüseynov bildirib.
