Bakı. Trend:
Növbədənkənar Prezident seçkilərində prezidentliyə namizəd olmaq istəyənlərin sayı 15-ə çatıb.
Trend-in məlumatına görə, bunu Mərkəzi Seçki Komissiyasının bu gün keçirilən iclasında MSK sədri Məzahir Pənaov deyib.
O qeyd edib ki, 7 nəfərin namizədliyi təsdiq edilib və 8 nəfərin namizədliyinin təsdiq edilməsi məsələsinə baxılır.
Qeyd edək ki, dekabrın 7-də Prezident İlham Əliyev Azərbaycanda növbədənkənar Prezident seçkilərinin elan edilməsi barədə Sərəncam imzalayıb. Sərəncama əsasən, fevralın 7-də növbədənkənar prezident seçkiləri keçiriləcək.