Bakı. Trend:
İsrail hakimiyyəti humanitar yardım daşıyan 277 yük maşınının Qəzza zolağına daxil olmasına icazə verib.
Trend-in məlumatına görə, bu barədə ölkənin Müdafiə Nazirliyi yanında İsrail Hökumətinin Fələstin Ərazilərində Fəaliyyətlərinin Əlaqələndirilməsi İdarəsi (COGAT) bildirib.
Məlumata əsasən, martın 3-də humanitar yardım daşıyan ümumilikdə 277 yük maşını yoxlanılaraq Qəzzaya çatdırılıb.
"Bu, müharibənin başlanmasından bəri bir gündə [anklava] buraxılan ən çox yük maşınıdır", - deyə təşkilat qeyd edib. Bildirilib ki, İsrail hakimiyyəti “Qəzza zolağına humanitar yardımın həcmini məhdudlaşdırmır”.