Bakı. Trend:
Gələcəkdə uşaqlar üçün ayrıca reabilitasiya mərkəzi yaradılacaq.
Trend xəbər verir ki, bunu bu gün Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov Yeni Robotik Reabilitasiya Mərkəzi və Hematologiya–Sümük İliyi Transplantasiyası Mərkəzinin açılı ilə əlaqəli keçirilən brifinqdə bildirib.
O qeyd edib ki, anadangəlmə və genetik xəstəliklərdən əziyyət çəkən uşaqların müalicəsinin əsasını reabilitasiya təşkil edir.
"Əsas məqsəd pasiyentlərin funksional müstəqilliyini bərpa etmək, həyat keyfiyyətini yüksəltmək və hərəkət imkanlarını maksimum səviyyəyə çatdırmaq, həmçinin ölkəmizdə əlillik səviyyəsini minimuma endirməkdir. Mərkəz həm ambulator, həm də stasionar müalicə xidmətləri təqdim edəcək".