Bakı. Trend:
Ermənistanın Baş naziri Nikol Paşinyan Rusiyanın paytaxtı Moskvaya rəsmi səfər edib.
Trend bu barədə Ermənistan KİV-ə istinadən xəbər verir.
Ermənistanın nümayəndə heyətinin tərkibində Ermənistan Baş nazirin müavini Mqer Qriqoryan, Xarici işlər naziri Ararat Mirzoyan, XİN başçısının müavini Mnatsakan Safaryan və digər şəxslər yer alır.
Qeyd edək ki, Paşinyanın Moskvada Rusiya Prezidenti Vladimir Putinlə təkbətək formatda görüşü nəzərdə tutulub.
xxx
14:23
Rusiya Prezidenti Vladimir Putin və Ermənistan Baş naziri Nikol Paşinyan 1 aprel danışıqlarından təkbətək danışmağı planlaşdırırlar.
Trend xarici KİV-ə istinadən xəbər verir ki, bunu Rusiya Prezidentinin mətbuat katibi Dmitriy Peskov bildirib.
“Ermənistanın Baş naziri Nikol Paşinyan Moskvada işgüzar səfərdədir. Bu gün Rusiya-Ermənistan danışıqları olacaq. Daha sonra iki lider işgüzar səhər yeməyi zamanı təkbətək formatda ünsiyyəti davam etdirəcəklər”,-deyə Peskov bildirib.
Kremlin məlumatına əsasən, danışıqlarda Rusiya-Ermənistan münasibətlərinin cari vəziyyəti və perspektivləri, Cənubi Qafqazda nəqliyyat-logistika əlaqələrinin inkişafı, eləcə də gündəmdə olan regional məsələlər müzakirə ediləcək.
