Azərbaycan, Şəki / Trend müxbir E.Quliyev/ Şəki şəhərində zəhərlənən bir ailənin dörd üzvünün vəziyyəti ağırdır, cümə axşamı Trend ə Şəki şəhər Mərkəzi Xəstəxanasının yoluxucu xəstəliklər şöbəsinin müdiri Arif Səmədov bildirib.
Bu gün səhər 9:30 radələrində Şəkinin Daşüz kəndində Səlimovlar ailəsinin 8 üzvündən 7-si zəhərlənmə diaqnozu ilə xəstəxanaya gətirilib.
Səmədov deyib ki, ilkin diaqnozdan Səlimovlar ailəsinin evdə düzəltdikləri pomidor turşusundan zəhərləndikləri məlum olub. Ailə üzvlərindən ata 1958-ci il təvəllüdlü Şərif Səlimovun və onun 3 oğlunun vəziyyəti ağırdır.
Şəki paytaxt Bakıdan 350 kilometr aralıda yerləşir.