Azərbaycan, Bakı,297 fevral / Trend , müxbir K.Zərbalıyeva/ Füzuli rayonunun Kərimbəyli kəndi ərazisində cümə axşamı partlayış baş verib.
ANAMA-nın mətbuat xidmətindən cümə günü Trend a verilən məlumata görə, həyətyanı sahədə təmizlik işi apararkən baş verən partlayış zamanı 29 yaşlı Məmmədov Namiq Sabir oğlu və 56 yaşlı Abbasova Xədicə İsa qızı xəsarət alıb.
Namiq Məmmədov hər iki əli və çənə nahiyəsindən, Xədicə Abbasova isə sağ ayağı və kürək nahiyəsindən qəlpə yaraları alıblar.
Zərərçəkənlər Füzuli rayon Bala Bəhmənli xəstəxanasına yerləşdiriliblər. Həkimlərin sözlərinə görə zərərçəkənlərin vəziyyəti kritik deyil.
ANAMA-nın Tədqiqat Qrupu ərazidə araşdırma aparır.
