Azərbaycan, Xaçmaz, 05 iyun/ Trend , müxbir A.Qafarov/ Azərbaycanın şimalında yerləşən Xaçmaz rayonunun Köhnə Xaçmaz kəndinin Qudyalçay kənarında yerləşən qəbiristanlığında 10-a yaxın qəbri sel aparıb. Bu barədə cümə axşamı Trend -a qəbiristanlığın nəzarətçisi Məmmədbağır Seyidəliyev məlumat verib.
Trend -un arayışı: Köhnə Xaçmaz kəndinin qəbiristanlığında çay kənarında yerləşən qəbirlərin 14-ü yaxınlarının icazəsi ilə qəbiristanlığın digər hissəsinə köçürülüb.
Seyidəliyev deyib ki, hazırda çayın kənarında yerləşən 15-ə yaxın qəbrin uçma təhlükəsi qalmaqdadır.
Köhnə Xaçmaz kənd bələdiyyəsinin sədri Namiq Vəlicanov Trend -a məlumatı təsdiqləyib. Onun sözlərinə görə, uçma təhlükəsi olan qəbirlərin köçürülməsi üçün komissiya yaradılıb. Hazırda çayin kənarında 400 metr uzunluğunda bənd tikilir. Bəndin150 metri artıq hazırdır.
Xaçmaz paytaxt Bakıdan 160 kilometr şimalda yerləşir.
Məqalə müəllifi ilə əlaqə ünvanı: [email protected]