Azərbaycan, Naxçıvan, 09 iyul / Trend , müxbir E.Məmmədov/ Türkiyədə yaşayan azərbaycanlı naməlum şəxslər tərəfindən qətlə yetirilib.
Trend -unbölgə müxbirinin mərhumun qohumlarına istinadən verdiyi məlumata görə, iyul ayının 7-də axşam saatlarında Türkiyə Respublikasının İstanbul şəhərində işləyən Naxçıvan Muxtar Respublikasının Şərur rayonunun Mahmudkənd sakini Əliyev Şahin Telman oğlu naməlum şəxslər tərəfindən bıçqla öldürülüb.
Cinayəti törədən şəxslər mərhumun qardaşları Ümman və Elvin Əliyevlərə isə soyuq silahla xəsarət yetiriblər.
Mərhumun cəsədi cümə axşamı Naxçıvana gətiriləcək.
Yüngül xəsarət alan Ümman və Elvin Əliyev qardaşlarının vəziyyəti isə qənaətbəxşdir və onlar da sabah vətənə qayıdacaqlar.
İstanbul polisi qatilin kimliyini müəyyənləşdirir.
Müəlliflə əlaqə saxlamaq üçün elektron ünvan - [email protected]