Gürcüstan, Tbilisi, 16 noyabr / Trend , müxbir N.Kirsxaliya/
Tbilisinin 162 saylı məktəbində ikigünlük karantin elan edilib. Bu qərar məktəb rəhbərliyi tərəfindən məktəbdə təhsil alan iki şagirddə A/H1N1 virusu aşkar edildikdən sonra verilib.
Həkimlərin məlumatına görə, qrip yüngül formadadır və xəstələr tezliklə sağalacaqlar.
Buna baxmayaraq, valideynlərin tələbi ilə məktəbdə tam dezinfeksiyalaşdırma işləri aparılır.
Bununla yanaşı, Xəstələrə Nəzarət üzrə Milli Mərkəzdə məktəbdə dezinfeksiya işlərinin aparılmasını zəruri hesab etmirlər.
Lakin məktəb rəhbərliyi karantin elan etməyə qərar verib. Dərs prosesi çərşənbə günündən bərpa ediləcək.
Məqalə müəllifi ilə əlaqə ünvanı: [email protected]