Azərbaycan, Bakı, 08 fevral / Trend , müxbir K.Zərbalıyeva/
Azərbaycan paytaxtında iki sərnişin avtobusu toqquşub, xəsarət alanlar var.
Bakı Şəhər Dövlət Yol Polisi İdarəsindən bazar ertəsi Trend -a verilən məlumata görə, bu gün səhər saat 08.30 radələrində Suraxanı rayonu ərazisində 66 saylı avtobusla 36 saylı avtobus toqquşub. Nəticədə 3 nəfər xəsarət alıb. Xəsarət alanlar xəstəxanaya yerləşdiriliblər.
Daha bir qəza isə Nizami rayonu ərazisində, Əzizbəyov metrosu yaxınlığındakı təzə körpünün üstündə 200 saylı marşrut avtobusu QAZ 31 markalı avtomobillə toqquşub, xəsarət alan yoxdur.