Azərbaycan, Bakı, 28 aprel /Trend, müxbir K.Zərbalıyeva/
Hacıqabulda Ukrayna vətəndaşı avtomobil qəzasına düşüb.
Daxili İşlər Nazirliyinin mətbuat xidmətindən Trend-ə verilən məlumata görə, dünən saat 19:00 radələrində Hacıqabul rayonu ərazisində, Şirvan şəhər sakini Murad Salmanovun idarə etdiyi "Hyundai Sonata" markalı və Ukrayna vətəndaşı Vadim Xudikin idarə etdiyi "Renault Maqnum" markalı avtomaşınlar toqquşub.
Nəticədə Salmanov və sərnişini - həyat yoldaşı Kəmalə hadisə yerində ölüblər.
Bakıda isə iki avtomobil toqquşub. Aprelin 27-də saat 12:30 radələrində Xətai rayonu ərazisində, Bakı şəhər sakini Nizami İbrahimovun idarə etdiyi "Mercedes" markalı və həmyerlsi Nazim Mailovun idarə etdiyi "VAZ-2107" markalı avtomaşınlar toqquşub.
Nəticədə Mailov aldığı xəsarətdən hadisə yerində ölüb, yaralanmış İbrahimov isə xəstəxanaya yerləşdirilib, vəziyyəti qənaətbəxşdir.
Hər iki faktla bağlı araşdırma aparılır.