Azərbaycan, İsmayıllı, 17 iyul /Trend/
Azərbaycanın İsmayıllı rayonunda baş verən ağır yol qəzası nəticəsində üç nəfər həlak olub, ölənlərin biri Müdafiə Nazirliyinin zabitidir.
Trend-in bölgə müxbirinin məlumatına görə, bu gün saat 21:00 radələrində İsmayıllı rayonu Buynuz kəndinin ərazisində Müdafiə Nazirliyinin zabiti Sadiq Babayevin idarə etdiyi "Mercedes" markalı avtomobil yol qəzasına düşüb. Nəticədə avtomobildə olan beş nəfərdən üçü - Babayev və iki sərnişin - Adil Salehov və Xalid Ağayev hadisə yerində həlak olub. Digər bir sərnişin isə ağır vəziyyətdə İsmayıllı Rayon Mərkəzi xəstəxanasına çatdırılıb. Hazırda onun vəziyyəti ağır olaraq qalır.
Hadisənin şahidlərinin Trend-ə verilən məlumata görə, qəzanın səbəbi avtomobilin yüksək sürətlə idarə edilməsi olub. Sürücü idarəetməni itirib və maşın yolun kənarındakı meşəyə girərək ağaca çırpılıb.
Hadisə ilə bağlı rəsmi məlumat hələ yayılmayıb.