Azərbaycan, Bakı, 21 sentyabr /Trend, müxbir K.Zərbalıyeva/
"AzEuroTel"ə bomba qoyulması barədə hüquq-mühafizə orqanlarıan anonim zəng daxil olub.
Fövqəladə Hallar Nazirliyindən çərşənbə günü Trend-ə verilən məlumata görə, Bakı şəhəri, Səbail rayonunda yerləşən "AzEuroTel" MMC-nin inzibati binasına partlayıcı qurğu yerləşdirilməsi barədə nazirliyə məlumat daxil olub.
Dərhal nazirliyin müvafiq xilasetmə qüvvələri axtarış-xilasetmə tədbirlərinin görülməsi üçün hadisə yerinə cəlb edilib, aidiyyəti qurumlar məlumatlandırılıblar.
Xilasedicilər hüquq-mühafizə orqanlarının mütəxəssisləri ilə birgə apardıqları axtarış işləri nəticəsində həmin binada şübhəli əşya aşkar etməyiblər.