Azərbaycan, Bakı, 9 yanvar /Trend müxbir K.Zərbalıyeva/
Qubada oğurluq edən Özbəkistan vətəndaşı tutulub.
Trend-in Daxili İşlər Nazirliyinin rəsmi saytına istinadən verdiyi məlumata görə, yanvarın 7-də Quba şəhərinin ərazisindəki bazarda Vüsal Aləmdusta məxsus mağazadan qapının qıfılını sındırmaq yolu ilə 5 ədəd yaddaş kartı ilə işləyən maqnitofon, 23 ədəd yaddaş kartı, kompyuter və telefon aksesuarları oğurlayıb hadisə yerindən qaçan Özbəkistan vətəndaşı Saidcon Turğunov Quba Regional Mühafizə Şöbəsinin əməkdaşları tərəfindən saxlanılıb.
O, rayon polis şöbəsinə təhvil verilib.