Azərbaycan, Bakı, 28 fevral /Trend, müxbir T.Cəfərov/
Bu gün səhər İranın paytaxtı Tehranın yaxınlığında yerləşən Reyşəhrdə 150 məktəbli və onların valideynləri şadlıq evlərinin birində keçirilən şənlikdə dəm qazından zəhərlənib. Trend-in məlumatına görə, bu barədə MEHR agentliyi xəbər verir.
Məlumata əsasən, hadisə bu gün yerli vaxtla 11:09-da baş verib. Hadisə yerinə yanğın söndürənlər gəliblər, zəhərlənən şəxslər xəstəxanaya çatdırılıblar. Zəhərlənənlərdən 40 nəfəri 9 yaşlı məktəbli qız uşaqlarıdır ki, onlardan 11 nəfərinin vəziyyətinin ağır olduğu bildirilir.