Azərbaycan, Bakı, 12 mart / Trend müxbir K.Zərbalıyeva/
Bakıda avtobus aşıb, 4 nəfər xəsarət alıb.
Dünən səhər saatlarında, Nizami rayonu, Şərifli küçəsində Vaqif Hüseynovun idarə etdiyi 191 saylı sərnişin avtobusu idarəetməni itirərək aşıb.
Nizami Rayon Polis İdarəsindən Trend-ə verilən məlumata görə, qəza zamanı Elmira Feyziyeva (1990-cı il təvəllüdlü), Mənsur Məmmədov (1987), Aynurə Hacıyeva (1984) və Firuzə Cavadova (1983) müxtəlif dərəcəli bədən xəsarətləri ilə xəstəxanaya yerləşdiriliblər.
Faktla bağlı Nizami Rayon Polis İdarəsində cinayət işi başlanıb.