Azərbaycan, Bakı, 19 mart /Trend, müxbir İ.İsabalayeva/
Bakı-Şamaxı magistral avtomobil yolundakı sürüşmə sahələrində aktivləşmə müşahidə olunduğundan yolların bəzi hissələrində çatlar əmələ gəlib. Bu barədə bazar ertəsi Trend-ə Ekologiya və Təbii Sərvətlər Nazirliyi (ETSN) Kompleks Hidrogeologiya və Mühəndis
Geologiyası Ekspedisiyasının baş mühəndisi Şaiq Niftiyev bildirib.
Niftiyev bildirib ki, aktivləşmələr Bakı-Şamaxı magistral avtomobil yolunun 103, 106 və 109-cu kilometrliklərində qeydə alınıb.
Onun sözlərinə görə, ərazidə qar örtüyünün olması sonrakı proseslərdə sürüşməni aktivləşdirə bilər.