Azərbaycan, Bakı, 26 mart /Trend, müxbir A.Tağıyev/
Türkiyənin Çorum şəhərində yaşayış evində güclü yanğın baş verib. Yanğın yaxınlıqdakı 5 evə keçib. Bu barədə Trend bazar ertəsi CNN Turk telekanalına istinadən məlumat verir.
Yanğın nəticəsində 5 nəfər həlak olub, ölənlər arasında 20 günlük uşaq da var. Digər 5 evdə ölüm halı qeydə alınmayıb. Belə ki, yanğın zamanı həmin evlərdə heç kim olmayıb.
Hadisə yerinə yanğınsöndürən maşınlar gəlib, yanğının qarşısı tez bir zamanda alınıb.