Azərbaycan, Bakı, 17 iyul /Trend müxbir R.Hafizoğlu/
İstanbul şəhərinin valisi Hüseyn Avnı Mutlu bu gün ticarət mərkəzində baş verən yanğında ölən və yaralananların olmadığını bildirib. Trend-in məlumatına görə, bu barədə Türkiyənin TRT Haber telekanalı xəbər verib.
Bu gün Türkiyənin İstanbul şəhərində 42 mərtəbəli ticarət mərkəzində yanğın baş verib. Yanan binanın ətrafında yaşayış evləri və yanacaqdoldurma məntəqəsindən insanlar təxliyə edilib. Yanğının söndürülməsi üçün hadisə yerinə çox sayda yanğınsöndürən gətirilib və yanğın söndürülüb.
İlkin versiyaya görə, yanğına binanın elektrik şəbəkəsində baş vermiş qısaqapanma səbəb olub.