Azərbaycan, Bakı, 7 sentyabr /Trend/
Bakıda yaşayış ev yanıb.
Trend Fövqəladə Hallar Nazirliyinin rəsmi saytına istinadən məlumat verir ki, Bakı şəhəri, Səbail rayonunda vətəndaşa məxsus ümumi sahəsi 60 kv.m olan birmərtəbəli 3 otaqlı evin 2 otağının və dəhlizinin yanar konstruksiyaları 40 kv.m sahədə, mətbəxinin və hamam otağının tavanı 10 kv.m sahədə yanıb.
Yanğından evin qalan hissəsi və bitişik evlər mühafizə olunub.
Yanğın saat 15:49-da yanğınsöndürənlər tərəfindən söndürülüb.