Azərbaycan, Bakı, 21 sentyabr /Trend/
Bakıda vətəndaşın etibarından sui-istifadə edərək onun bank kartında olan məbləği çıxarmış şəxs tutulub.
Bakı şəhər Baş Polis İdarəsindən Trend-ə verilən məlumata görə, sentyabrın 15-i saat 18:30 radələrində metronun "Nizami" stansiyasının çıxışında naməlum şəxs Svetlana Viktorovnanın etibarından sui-istifadə edərək "Beynəlxalq Bank"a məxsus bankomatdan hesabında olan 150 manat pulu çıxarıb.
Metropolitendə PŞ Cinayət-Axtarış Qrupunun əməkdaşlarının keçirdikləri əməliyat tədbirləri nəticəsində dələduzluqda şübhəli bilinən, RF CM-in 161-ci (soyğunçuluq) maddəsi ilə axtarışda olan Əli Nuriyev sentyabrın 20-də tutulub.