...

Qanunsuz totalizator fəaliyyəti göstərən daha iki obyekt aşkar edilib

Hadisə Materials 27 Sentyabr 2012 14:26 (UTC +04:00)
Bakıda qanunsuz totalizator fəaliyyəti göstərən daha iki obyekt aşkar edilib.
Qanunsuz totalizator fəaliyyəti göstərən daha iki obyekt aşkar edilib

Azərbaycan, Bakı, 27 sentyabr /Trend/

Bakıda qanunsuz totalizator fəaliyyəti göstərən daha iki obyekt aşkar edilib.

Vergilər Nazirliyinin mətbuat xidmətindən Trend-ə verilən məlumata görə, sentyabrın 25-də Vergilər Nazirliyi yanında Vergi Auditi Departamentinin əməkdaşları tərəfindən paytaxtın Yasamal rayonu, Zahid Xəlilov küçəsi, 30A, ev 29 ünvanında vergi nəzarəti tədbirləri həyata keçirilərkən Qafarov Şahin Ələsgər oğluna (VÖEN 1302699892) və Quliyev Orxan İbrahim oğluna (VÖEN 1001364012) məxsus obyektlərdə qanunsuz totalizator oyunlarının təşkil edildiyi aşkar olunub.

"Real" adı ilə qanunsuz totalizator fəaliyyəti göstərən Qafarova məxsus obyektdə nəzarət tədbiri keçirilərkən obyektin qanunsuz fəaliyyətini təsdiq edən 4 ədəd kompyuter dəsti, noutbuk, televizor, "qara mühasibatlıq" sənədləri və nağd pul vəsaitləri aşkar edilib və vergi əməkdaşları tərəfindən müvafiq sənədləşmələr aparılaraq götürülüb. Həmin gün eyni ünvanda Orxan Quliyevə məxsus "Maxsimus" adlanan digər obyektdə də qanunsuz olaraq totalizator oyunlarının keçirildiyi aşkar edilib. Obyektin qanunsuz fəaliyyətini təsdiq edən 2 ədəd kompyuter dəsti, televizor, boş və yazılı uduş kuponları, nağd pul vəsaitləri müvafiq qaydada rəsmiləşdirilərək götürülüb.

Keçirilən tədbir zamanı hər iki şəxsin nağd pul hesablaşmalarının aparılması qaydalarına əməl etmədiyi də müəyyən olunaraq müvafiq sənədləşmələr aparılıb.

Vergilər Nazirliyi qanunsuz fəaliyyət göstərən şəxslərə qarşı mübarizəni davam etdirir və xəbərdarlıq edir ki, vergi qanunvericiliyinin pozulması hallarına qarşı gələcəkdə də sərt tədbirlər görəcəkdir.

Xəbər lenti

Xəbər lenti