Azərbaycan, Bakı, 17 oktyabr /Trend, müxbir K.Zərbalıyeva/
Hacıqabul sakininin avtomobilindən silah-sursat tapılıb.
Trend-in Daxili İşlər Nazirliyinin rəsmi saytına istinadən verdiyi məlumata görə, Hacıqabul rayon polis şöbəsinin əməkdaşları rayon sakini Nəcməddin Quliyevin idarə etdiyi "VAZ-21063" markalı avtomaşına baxış keçirilən zamanı müvafiq sənədləri olmayan 1 ədəd "TOZ-8", 2 ədəd ov tüfəngi, 301 ədəd müxtəlif çaplı patron, 2 kiloqram qırma, 45 ədəd giliz və digər hərbi sursatlar aşkar edilərək götürülüb.
Faktla bağlı cinayət işi başlanıb.