Azərbaycan, Bakı, 15 mart /Trend, müxbir İ.İzzət/
Abşeron rayonunda qətl hadisəsi baş verib.
Abşeron rayon Prokurorluğundan Trend-ə verilən məlumata görə, martın 14-də axşam saat 22:00 radələrində rayonun Nübar qəsəbəsi, "At yalı" yaşayış massivində kirayə yaşadığı evdə 1985-ci il təvəllüdlü, rayon sakini Kərimov İlham Famil oğlu bacısı qızı, 1998-ci il təvəllüdlü Binəcalali Aygün Xanlar qızını əli ilə boğaraq öldürüb.
Kərimov 15 yaşlı bacısı qızını qısqanclıq zəminində qətlə yetirdiyini bildirib.
Faktla bağlı Cinayət Məcəlləsinin 120.1-ci (Qəsdən adam öldürmə; Qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi başlanıb, istintaq gedir.