Azərbaycan, Bakı, 28 mart/Trend/
Polisin cümə axşamı verdiyi açıqlama Böyük Britaniyada ötən şənbə günü öz evinin hamamında ölmüş vəziyyətdə tapılan rusiyalı iş adamı Boris Berezovskinin ölümünün səbəbinin müəyyən olunmasına aydınlıq gətirə bilər. Bu barədə Trend cümə axşamı "RİA-Novosti"yə istinadən məlumat verir.
Temz-velli polis dairəsinin baş müfəttişi Mark Uistl bildirib ki, mühafizəçi Berezovskini taparkən onun boynunda ipə və ya sarğı materialına bənzər əşya olub.
"Bu cür material hamamda da aşkar edilib" , - müfəttiş qeyd edib.