Azərbaycan, Bakı, 30 may /Trend, müxbir İ.İzzət/
Fövqəladə Hallar Nazirliyi (FHN) intensiv yağışların bölgələrdə yaratdığı problemlərlə bağlı məlumat yayıb.
Trend FHN-nin rəsmi saytına istinadən xəbər verir ki, respublikanın bəzi şəhər və rayonlarında, o cümlədən İsmayıllı, Ağsu və Göyçayda yağış yağıb. Yağıntılar nəticəsində İsmayıllı rayonunun mərkəzində bəzi ərazilər yağış suları ilə dolub. Həmin ərazilərin yağış sularından təmizlənməsi üçün əraziyə FHN-in müvafiq qüvvələri cəlb edilib.
Hazırda Dövlət Yanğından Mühafizə Xidməti və Şimal-qərb Regional Mərkəzi tərəfindən suçəkmə işləri aparılır.