Azərbaycan, Bakı, 11 iyul /Trend/
Paytaxtda 18 mərtəbəli binada yanğın olub. Bu barədə Trend məlumat verib.
Xəbərə görə, Bakı şəhəri, Yasamal rayonunda 18 mərtəbəli 2 bloklu yaşayış binasının 2-ci mərtəbəsindən 18-ci mərtəbəsinə kimi şaxtadan keçən kabellərin izolyasiyası 150 p.m və 18 ədəd elektrik sayğacı yanıb.
Mənzillər yanğından mühafizə olunub.
Yanğın zamanı yanğınsöndürənlər tərəfindən təhlükəli zonadan 24 nəfər bina sakini (onlardan 6 nəfəri azyaşlı uşaq, 4 nəfər yaşlı adam olmaqla) təxliyə olunublar.
Yanğın yanğınsöndürənlər tərəfindən söndürülüb.