Azərbaycan, Bakı, 26 iyul /Trend/
Suriya tərəfindən atılan artilleriya mərmisi sərhədi keçərək Türkiyənin Şanlıurfa vilayətinin Ceylanpınar rayonunda əkin sahəsinə düşüb. Trend "Doğan" agentliyinə istinadən məlumat verir ki, hadisə nəticəsində 3 nəfər yaralanıb.
Məlumata görə, mərminin partlaması nəticəsində xəsarət alaraq xəstəxanaya aparılan yaralılardan birinin vəziyyəti ağırdır.
Qeyd edək ki, Suriyanın Rəsulayn bölgəsində qarşıdurmalar daha da şiddətlənib. Atışma səsləri hətta Ceylanpınarda eşidilir.