Azərbaycan, Bakı, 16 sentyabr /Trend, müxbir İ.İzzət/
Gəncə şəhərində bıçaqlanma hadisə baş verib, bir nəfər ölüb.
Gəncə Şəhər Prokurorluğundan Trend-ə verilən məlumata görə, sentyabrın 14-də Şəmkir rayonunda anadan olmuş 1984-cü il təvəllüdlü Kərimov Vüqar Aydın oğlu 1984-cü il təvəllüdlü Həsənov Qasım Nəriman oğlunu şəxsi münaqişə zəminində bıçaqlayıb. Həsənov aldığı xəsarətdən ölüb.
Faktla bağlı Cinayət Məcəlləsinin 120.1-ci (Qəsdən adam öldürmə, yəni digər şəxsi qəsdən həyatdan məhrumetmə) maddəsi ilə cinayət işi açılıb, araşdırma aparılır.