Azərbaycan, Bakı, 22 oktyabr /Trend/
İndoneziyanın qərb hissəsində 5,3 bal gücündə zəlzələ baş verib. Bu barədə Trend Türkiyənin "Anadolu" agentliyinə istinadən məlumat verir.
İlkin məlumata görə, yeraltı təkanlar nəticəsində 1 nəfər ölüb, 2 nəfər xəsarət alıb.
ABŞ Geoloji Araşdırmalar Mərkəzi dərinliyi 48 kilometr olan zəlzələnin ocağının ölkənin Açe bölgəsindəki Reuleuet qəsəbəsindən 32 kilometr cənub-qərbdə qeydə alındığını açıqlayıb.
Hadisə nəticəsində 160 evin zərər gördüyü bildirilir.