Azərbaycan, Bakı, 12 dekabr /Trend, müxbir T.Cəfərov/
İranın İsfahan əyalətinin Nain şəhərində dörd avtomobil toqquşaraq yanıb. Hadisə nəticəsində 14 nəfər yanaraq həlak olub, 12 nəfər isə müxtəlif yanıq xəsarətləri alıb. Trend-in məlumatına görə, bu barədə İRNA agentliyi xəbər verir.
Məlumata əsasən, hadisə yerli vaxtla gecə saat 03:30 radələrində Nain şəhərinin girişində baş verib. Ölənlərdən 11 nəfəri Əfqanıstan vətəndaşıdır.