Azərbaycan, Bakı, 26 dekabr /Trend, müxbir İ.İsabalayeva/
Bu gün səhər saatlarında Bakının Xətai rayonu ərazisində "Nargilə" kafesi yaxınlığında KAMAZ markalı yük avtomobili ilə sərnişin avtobusu toqquşub. Bu barədə Trend-ə hadisə yerində olan şahidlər məlumat veriblər.
Məlumata görə, qəza nəticəsində bir neçə sərnişin xəsarət alıb.
Bakı şəhər Təcili və Təxirəsalınmaz Tibbi Yardım Stansiyasının (BŞTTTYS) baş həkimi Mürsəl Həmidov Trend-ə deyib ki, hadisə ilə bağlı təcili yardım briqadasına çağırış saat 10:22-də daxil olub. Həkim briqadası hadisə yerində zərərçəkmiş bir nəfərə ilkin tibbi yardım göstərdikdən sonra onu 3 saylı Şəhər Klinik Xəstəxanasına çatdırıb.
Həmin şəxs 60 yaşlı kişi olub.