Azərbaycan, Bakı, 22 dekabr /Trend, müxbir İlkin İzzət/
Bakıda Türkiyə vətəndaşının evindən oğurluq etmiş Ucar rayon sakini saxlanılıb.
Daxili İşlər Nazirliyinin mətbuat xidmətindən Trend-ə verilən məlumata görə, dekabrın 21-də Binəqədi rayonunun M.Ə.Rəsulzadə qəsəbəsində yaşayan Türkiyə vətəndaşı Ayhan Yıldızın evindən 850 manat oğurlanıb.
Binəqədi rayon Polis İdarəsi 7-ci Polis bölməsi əməkdaşlarının həyata keçirdikləri əməliyyat-axtarış tədbirləri nəticəsində oğurluğu törətmiş Ucar rayon sakini Afiyət İslamova saxlanılıb.
Faktla bağlı araşdırma aparılır.