İlk xəbər 11:02-də yayılıb
Azərbaycan, Bakı, 23 fevral /Trend, müxbir İlhamə İsabalayeva/
Xəzərin Azərbaycan sektorunda zəlzələ baş verib.
Trend Azərbaycan Milli Elmlər Akademiyası Respublika Seysmoloji Xidmət Mərkəzinin saytına istinadən bildirir ki, zəlzələ Xəzər dənizində bu gün saat 08:00:09-da qeydə alınıb. Zəlzələnin dərinliyi 54 km, maqnitudası 3,8 olub.
Zəlzələ hiss olunmayıb.
Bu gün növbəti zəlzələ Qəbələ rayonunda baş verıb.
RSXM xəbər verir ki, ilkin məlumatlara görə, zəlzələ saat 07:57:54-də Qəbələ ərazisində qeydə alınıb.
Zəlzələnin dərinliyi 14 km, maqnitudası 3,3 olub.
Gün ərzində Azərbaycanda 3-cü zəlzələ qeydə alınıb.
Mərkəzin məlumatına görə, bu gün saat 12:04:49-də Şəmkir rayonu ərazisində Gəncədən 32 km şimal-qərbdə zəlzələ qeydə alınıb.
Zəlzələ episentrdə 4 bal, yaxın yaşayış məntəqələrində 3-2 bala qədər hiss olunub.