...

Qaraçuxurda bir nəfəri yaralayan Rusiya vətəndaşı tutulub

Hadisə Materials 21 Oktyabr 2015 13:54 (UTC +04:00)
Bakıda cinayət hadisəsi törətməkdə şübhəli bilinən Rusiya vətəndaşı tutulub.
Qaraçuxurda bir nəfəri yaralayan Rusiya vətəndaşı tutulub

Azərbaycan, Bakı, 21 oktyabr /Trend, müxbir Elmir Murad/

Bakıda cinayət hadisəsi törətməkdə şübhəli bilinən Rusiya vətəndaşı tutulub.

Daxili İşlər Nazirliyindən Trend-ə verilən məlumata görə, Suraxanı rayonunun Qaraçuxur qəsəbəsində Rusiya Federasiyası vətəndaşı Vəli Əhmədov münaqişə zəminində tüfəngdən açdığı atəşlə qəsəbə sakini Sənan İsmayılova xəsarət yetirib.

S.İsmayılov dərhal xəstəxanaya yerləşdirilib. Suraxanı Rayon Polis İdarəsi 32-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində V.Əhmədov tutulub.

Hadisəni törədərkən onun istifadə etdiyi "Vinçester" markalı tüfəng, 4 ədəd patron və 1 ədəd giliz götürülüb.

Məqalədə:
Xəbər lenti

Xəbər lenti