Azərbaycan, Bakı, 5 noyabr /Trend, müxbir Elmir Murad/
Bakıda beynəlxalq axtarışda olan qadın tutulub.
Bakı Şəhər Baş Polis İdarəsindən Trend-ə daxil olan məlumata görə, Türkiyə cəza qanununun 450/7 və 492/1-ci maddələri ilə (qətl və oğurluq) 14.11.2000-ci il tarixdən İnterpol vasitəsi ilə axtarılan Bakı şəhər sakini, 1954-cü il təvəllüdlü Əminə Mirzəyeva tutulub.
Ə.Mirzəyeva Bakı şəhər Baş Polis İdarəsi Cinayət Axtarış İdarəsi əməkdaşlarının keçirdikləri əməliyyat-axtarış tədbirəri nəticəsində tutulub.
Saxlanılan şəxs Sabunçu Rayon Polis İdarəsinə təhvil verilib.