Bakı. Trend:
Xırdalan şəhərində vətəndaşa məxsus evdə yanğın olub.
Trend Fövqəladə Hallar Nazirliyinin saytına istinadən xəbər verir ki, Abşeron rayonu, Xırdalan şəhərində vətəndaşa məxsus ümumi sahəsi 50 kv.m olan birmərtəbəli 3 otaqlı evin mətbəxinin lambirdən ibarət tavanı 4 kv.m sahədə yanıb.
Evin qalan hissəsi yanğından mühafizə olunub.
Yanğın saat 15:20-də yanğınsöndürənlər tərəfindən söndürülüb.