Bakı. Trend:
Ağdaş rayonunda silah alverçiləri yaxalanıb.
Trend Daxili İşlər Nazirliyinin saytına istinadən xəbər verir ki, Ağdaş rayon Polis şöbəsi əməkdaşlarının həyata keçirdikləri əməliyyat tədbirləri ilə şəhər sakinləri Vaqif Qasımov və Əlif Abdullayev “Naqan” tipli tapançanı və 7 ədəd patronu satarkən tutulublar.
Araşdırmalar zamanı V.Qasımovun qeyd edilən silah və sursatı həmyerlisi Sabir Paşayevdən, onun isə Zərdab rayon sakini Əşrəf İbrahimovdan alması müəyyən edilib.
Həyata keçirilmiş əməliyyat axtarış tədbirləri nəticəsində S.Paşayev və Ə.İbrahimov da tutulublar.