Bakı. Trend:
Səhər saatlarında Binəqədidə yol-nəqliyyat hadisəsi baş verib. Belə ki, Fövqəladə Hallar Nazirliyindən Trend-ə verilən məlumata görə, Böhran Vəziyyətlərində İdarəetmə Mərkəzinə Binəqədi rayonunda “Ford” markalı minik avtomobilin qəzaya uğraması barədə məlumat daxil olub. Dərhal Nazirliyin Xüsusi Riskli Xilasetmə Xidmətinin qüvvələri hadisə yerinə cəlb olunaraq avtomobildə sıxılmış vəziyyətdə qalmış sürücünü çıxarıb və aidiyyatı üzrə təhvil veriblər.
Əməliyyat saat 08:13-də başa çatib.