Bakı. Samir Əli-Trend:
Bu gün Bakı Ağır Cinayətlər Məhkəməsində soyğunçuluqda təqsirləndirilərək həbs edilən Coşqun Nəsirovun cinayət işi üzrə məhkəmə prosesi başa çatıb.
Trend-in məlumatına görə, hakim Şəkər Məmmədovanın sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə C.Nəsirov 8 il müddətinə azadlıqdan məhrum edilib.
İttihama görə, Xaçmaz Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində oktyabrın 7-də Nərgiz Həsənovanın evindən soyğunçuluğa cəhd göstərən rayon sakini Coşqun Nəsirov tutulub.